1348-00-00-Italy 003
Map
Factbox
| Date startStart date of the disease. | 1348 | + |
| Date endEnd date of the disease. | + | |
| SeasonSeason (spring, summer, fall or winter) | ||
| Date otherOther mentioned dates. | ||
| PlacePlace(s), city or location of the disease. | ||
| RegionHistorical region(s) | ||
| CountryCurrent country | Italy | |
| RiverMentioned river(s) | ||
| Natural eventMentioned natural event(s) | Earthquake | |
| PersonMentioned persons(s) | ||
| GroupGroup(s) of people mentioned | ||
| VictimIndication of victims | + | |
| AnimalMentioned animal(s) | ||
| DiseaseMentioned disease(s) | Symptoms | |
| Epidemic waveAssociated epidemic wave | Black Death | |
| Social responseSocial response that happened in reaction to the disease | ||
| LanguageLanguage of the original text | Latin | |
| KeywordFurther keyword(s) | ||
| last edited | 19. 12. 2025 by EpiMedDat-Bot. |
Earthquake at 25. January and arrival of the Black Death in Italy and its spread and symptoms
Text originalOriginal text
Deus omnipotens, qui non vult mortem peccatoris, sed ut convertatur et vivat, primo minatur, secundo vero percuit ad correctionem humani generis, non interitum. Volens affligere humanum genus plagis maximis, inauditis, primo in extremis partibus mundi, in orientis plaga cepit suum iudicium horrendum. Cum vero jam percussiset Tartaros, Turcos (p. 121) et genus infidelium universum in MCCCXLVIII, die XXV Januarii, hora XXIII, fuit maximus terremotus per horam mediam ad terrorem Christianorum. Post quem pestis inaudita transivit mare, scilicet in partes Venetiarum, Lombardie, Marchie, Tuscie, Alemanie, Francie et per fere mundum universum. Hanc, quidem infecti, venientes de partibus orientis, detulerunt. Hi solo visu, vel tactu, vel flatu omnes occidebant. Erat hec infectio incurabilis, non poterat evitari. Uxor fugiebat amplexum cari viri, pater filii, frater fratris: et gentes subito multotiens expirabant. Sic ovis infecta inficit totum gregem. Sic unius domus descendentes unum semper moriendo ceteri sequebantur usque ad canes. Corpora etiam nobilium manebant insepulta. Multi pretio a vilibus sepeliebantur sine presbyteris et candelis. Veneti vero, ubi centum milia perierunt, navibus redemptis magno pretio corpora ad insulas portabant. Civitas erat quasi desolata. Unus solus incognitus venit Paduam, qui civitatem infecit in tantum, quod forsan in toto comitatu tertia pars defecit. Civitates, cupientes evitare talem pestem, omnibus extraneis prohibebant ingressum. Sic mercatores de civitate ad civitatem non poterant ambulare. Hac clade fuerunt destitute civitates et castra. Non audiebantur voces, nisi heu, dolores et planctus. Tunc cessavit vox sponsi et sponse, sonus cythare, cantus juvenum et letitia. Pestes vero imminentes tempore Pharaonis, David, Esechie, Gregorii Pape respective possunt nunc pro nihilo reputari. Henc enim pestis circuit totum orbem. Deus enim tempore Noe tantas animas vix consumpsit, cui possibile est humanum genus etiam de lapidibus restaurare. Hujus pestis erant pessime alii infecti, ut supra; quidam evomendo sanguinem expirabant subito, ali morbo cancri, vel vermis. In signum vero mortis, quasi omnibus nascebantur glandule incurabiles, circa genitalia, vel sub brachiis, vel aliis partibus, venenosis febribus sociate. Hi prima, vel secunda die expirabant; post tertiam, licet raro esset, aliqua spes salutis, aliqui somno capti, nunquam excitati, transibant. Contra hoc medici palam profitebantur se nescire remedium, quorum hac peste potissima pars defecit.
